ظلم تو یہ ہے کہ شاکی مرے کردار کا ہے
ظلم تو یہ ہے کہ شاکی مرے کردار کا ہے
یہ گھنا شہر کہ جنگل در و دیوار کا ہے
رنگ پھر آج دگر برگ دل زار کا ہے
شائبہ مجھ کو ہوا پر تری رفتار کا ہے
اس پہ تہمت نہ دھرے میرے جنوں کی کوئی
مجھ پہ تو سایہ مرے اپنے ہی اسرار کا ہے
صرف یہ کہنا بہت ہے کہ وہ چپ چاپ سا تھا
اس کو اندازہ مرے شیوۂ گفتار کا ہے
کس نے کس حال میں چھوڑا تھا وفا کا دامن
مسئلہ یہ تو مری جاں بڑی تکرار کا ہے
رات بھر نیند نہ آنے کا گلا کس سے کروں
اس میں بھی ہاتھ مرے طالع بیدار کا ہے
درد کی دھوپ سے بچنے کے تردد میں کھلا
سلسلہ تا بہ افق خوف کے اشجار کا ہے
رات دن کھوج میں دریا کی صدا رہتی ہے
آدمی کوئی ترے گاؤں میں اس پار کا ہے
ہر گھڑی محتسب شہر ہو موجود جہاں
کام اس بزم میں کیا مجھ سے گنہ گار کا ہے
جھولنا دار پہ اس عہد میں آساں ہے مگر
مرحلہ سخت بہت جرأت اظہار کا ہے
زندگی ساعت موجود کے قدموں میں جھکاؤ
فیصلہ آج یہی وقت کے دربار کا ہے
کس نئے غم سے چراغاں ہے نظر محفل جاں
رنگ کچھ اور ہی اب کے ترے اشعار کا ہے
ظہور نظر 
(1616) ووٹ وصول ہوئے
Zulm To Ye Hai Ki Shaki Mere Kirdar Ka Hai In Urdu By Famous Poet Zuhoor Nazar. Zulm To Ye Hai Ki Shaki Mere Kirdar Ka Hai is written by Zuhoor Nazar. Enjoy reading Zulm To Ye Hai Ki Shaki Mere Kirdar Ka Hai Poem on Inspiration for Students, Youth, Girls and Boys by Zuhoor Nazar. Free Dowlonad Zulm To Ye Hai Ki Shaki Mere Kirdar Ka Hai by Zuhoor Nazar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends