قحط وفائے وعدہ و پیماں ہے ان دنوں
قحط وفائے وعدہ و پیماں ہے ان دنوں
زوروں پہ احتیاط دل و جاں ہے ان دنوں
ملعون ہیں جو موسم گل کے جنوں میں ہیں
متروک رسم چاک گریباں ہے ان دنوں
یہ رسم رفتگاں تھی فراموش ہو گئی
اپنے کئے پہ کون پشیماں ہے ان دنوں
آنکھیں ہیں خشک صورت صحرائے بے گیاہ
سینہ ہجوم اشک سے گریاں ہے ان دنوں
یہ کیسا عہدہ ہے کہ مری چشم خواب میں
نقش قدم بھی دیدۂ جبراں ہے ان دنوں
ڈرتا ہوں اپنے سانس کی سنتا ہوں جب صدا
دہشت بہت قریب رگ جاں ہے ان دنوں
دیدہ دروں کے گھر پہ مسلط ہے تیرگی
اندھوں کی انجمن میں چراغاں ہے ان دنوں
بد تر ہے جانور سے بھی دانشوروں کا حال
جو سوچتا نہیں ہے وہ انساں ہے ان دنوں
ہر بوالہوس دھنی ہے مقدر کا آج کل
ہر بے ضمیر صاحب امکاں ہے ان دنوں
تجھ سے گلا نہیں ہے کہ تو پھر بھی غیر تھا
میرا وجود مجھ سے گریزاں ہے ان دنوں
جی چاہتا ہے روئے زمیں پر بکھیر دوں
جو درد میری روح میں پنہاں ہے ان دنوں
کیسے چھڑاؤں کیسے لکھوں شرح درد نو
ہر ایک لفظ زینت زنداں ہے ان دنوں
یادوں کے پھول حد نظر تک کھلے ہیں پھر
دشت فراق رشک گلستاں ہے ان دنوں
ظہور نظر 
(1562) ووٹ وصول ہوئے
Qahat-e-wafa-e-ahd-o-paiman Hai In Dinon In Urdu By Famous Poet Zuhoor Nazar. Qahat-e-wafa-e-ahd-o-paiman Hai In Dinon is written by Zuhoor Nazar. Enjoy reading Qahat-e-wafa-e-ahd-o-paiman Hai In Dinon Poem on Inspiration for Students, Youth, Girls and Boys by Zuhoor Nazar. Free Dowlonad Qahat-e-wafa-e-ahd-o-paiman Hai In Dinon by Zuhoor Nazar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends