خود کو پانے کی طلب میں آرزو اس کی بھی تھی
خود کو پانے کی طلب میں آرزو اس کی بھی تھی
میں جو مل جاتا تو اس میں آبرو اس کی بھی تھی
زندگی اک دوسرے کو ڈھونڈنے میں کٹ گئی
جستجو میری بھی دشمن تھی عدو اس کی بھی تھی
میری باتوں میں بھی تلخی تھی سم تنہائی کی
زہر تنہائی میں ڈوبی گفتگو اس کی بھی تھی
وہ گیا تو کروٹیں لے لے کے پہلو تھک گئے
کس طرح سوتا مرے سانسوں میں بو اس کی بھی تھی
رات بھر آنکھوں میں اس کا مرمریں پیکر رہا
چاندنی کے جھلملانے میں نمو اس کی بھی تھی
گھر سے اس کا بھی نکلنا ہو گیا آخر محال
میری رسوائی سے شہرت کو بہ کو اس کی بھی تھی
میں ہوا خائف تو اس کے بھی اڑے ہوش و حواس
میری جو صورت ہوئی وہ ہو بہ ہو اس کی بھی تھی
کچھ مجھے بھی سیدھے سادھے راستوں سے بیر ہے
کچھ بھٹک جانے کے باعث جستجو اس کی بھی تھی
وہ جسے سارے زمانے نے کہا میرا رقیب
میں نے اس کو ہم سفر جانا کہ تو اس کی بھی تھی
دشت فرقت کا سفر بھی آخرش طے ہو گیا
اور کچھ دن ساتھ دیتا آرزو اس کی بھی تھی
بات بڑھنے کو تو بڑھ جاتی بہت لیکن نظرؔ
میں بھی کچھ کم گو تھا چپ رہنے کی خو اس کی بھی تھی
ظہور نظر 
(1576) ووٹ وصول ہوئے
KHud Ko Pane Ki Talab Mein Aarzu Uski Bhi Thi In Urdu By Famous Poet Zuhoor Nazar. KHud Ko Pane Ki Talab Mein Aarzu Uski Bhi Thi is written by Zuhoor Nazar. Enjoy reading KHud Ko Pane Ki Talab Mein Aarzu Uski Bhi Thi Poem on Inspiration for Students, Youth, Girls and Boys by Zuhoor Nazar. Free Dowlonad KHud Ko Pane Ki Talab Mein Aarzu Uski Bhi Thi by Zuhoor Nazar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends