Fasl Ki Jalwagari Dekhta Hun
fasl ki jalwagari dekhta hun
shaKH kanTon se bhari dekhta hun
raqs-gahon mein baDe charche hain
kaun hai lal pari dekhta hun
chand ko chahiye ham-shakl apna
raat-bhar dar-badari dekhta hun
lau machalti hai khuli khiDki mein
roz ek shama dhari dekhta hun
mere bas mein hai nahin kya chalna
jhanDiyan lal hari dekhta hun
dekhta hun main 'zubair' apni taraf
ya jamal-e-qamri dekhta hun
Zubair Shifai 
(1117) Peoples Rate This