Dusra Aadmi
suno aaj hum mein se kisi ko maut ne taka
achanak mar gaya koi
chalo daru piyen diwar se sar phoD ke roen
nasha utre to us ki yaad mein ek marsiya likkhen
purane tazkaron mein us ke KHadd-o-KHal ko DhunDen
kitabon ke waraq ulTen
risalon aur aKHbaron ki pichhli filen kholen
dimagh o dil ke goshe mein chhupi yaaden kureden
talKHiyan bhulen
faramoshi ki sari gard jhaDen
ranjishen bhulen
har ek KHubi hum us ke nam se mansub kar den
aur aise shaKHs ko paikar tarashen
kal jo apne darmiyan zinda nahin tha
Zubair Rizvi 
(1742) Peoples Rate This