AaKHirash Kar Liya Qubul Hamein
aaKHirash kar liya qubul hamein
us ne bheje hain lal phul hamein
ek laDki ka KHwab hain hum bhi
koi samjhe nahin fuzul hamein
is qadar yaad kar rahe ho tum
yani jaoge tum bhi bhul hamein
hum hain KHushbu hawa ke dosh pe hain
jald kar lijiye wasul hamein
muKHtasar kijiye kahani ko
aap to de rahe hain tul hamein
rah teri nahin takenge hum
shart ye bhi teri qubul hamein
aur kuchh rang sher mein aae
zindagi aur kar malul hamein
Zia Zameer 
(1179) Peoples Rate This