مری آنکھوں میں جو تھوڑی سی نمی رہ گئی ہے
مری آنکھوں میں جو تھوڑی سی نمی رہ گئی ہے
بس یہی عشق کی سوغات بچی رہ گئی ہے
وقت کے ساتھ ہی گل ہو گئے وحشت کے چراغ
اک سیاہی ہے جو طاقوں پہ ابھی رہ گئی ہے
اور کچھ دیر ٹھہر اے مری بینائی کہ میں
دیکھ لوں روح میں جو بخیہ گری رہ گئی ہے
آئینو تم ہی کہو کیا ہے مرے ہونٹوں پر
لوگ کہتے ہیں کہ پھیکی سی ہنسی رہ گئی ہے
بوجھ سورج کا تو میں کب کا اتار آیا مگر
دھوپ جو سر پہ دھری تھی سو دھری رہ گئی ہے
کچھ بتا اے مرے نسیان یہ کیا ماجرا ہے
بات جو بھولنے والی تھی وہی رہ گئی ہے
یوں تو اس گھر کے در و بام سبھی ٹوٹ گئے
ہاں مگر بیچ کی دیوار ابھی رہ گئی ہے
سوچتا ہوں کہ تصور کو سمیٹوں کیسے
بستر خواب پہ بھی آنکھ کھلی رہ گئی ہے
جانے کیا بات ہے موسم میں ضیاؔ اب کے برس
دھوپ کے ہوتے ہوئے برف جمی رہ گئی ہے
ضیا فاروقی 
(1248) ووٹ وصول ہوئے
Meri Aankhon Mein Jo ThoDi Si Nami Rah Gai Hai In Urdu By Famous Poet Zia Faruqi. Meri Aankhon Mein Jo ThoDi Si Nami Rah Gai Hai is written by Zia Faruqi. Enjoy reading Meri Aankhon Mein Jo ThoDi Si Nami Rah Gai Hai Poem on Inspiration for Students, Youth, Girls and Boys by Zia Faruqi. Free Dowlonad Meri Aankhon Mein Jo ThoDi Si Nami Rah Gai Hai by Zia Faruqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends