ایک پھول سا بچہ
ایک دن تھکا ماندہ
ایک شام بے معنی
ایک رات حیراں سی
میرے ساتھ یہ تینوں
میرے گھر میں رہتے ہیں
ایک دوسرے سے کم
اپنے آپ سے ہم لوگ
بات کرتے رہتے ہیں
الجھے سلجھے لمحوں کی
وقت چادریں بن کر
ہم کو ڈھانپ دیتا ہے
دیکھتا نہیں مڑ کر
جلد جلد کٹتا ہے
ہم جو دیکھنا چاہیں
وہ نظر چراتا ہے
ایک پھول سا بچہ
بے خبر نڈر سچا
میرے گھر کے کمروں میں
آ کے غل مچاتا ہے
منجمد خموشی کو
توڑتی ہنسی اس کی
اس طرح بکھرتی ہے
جیسے ٹھہرے پانی میں
کوئی کنکری پھینکے
عکس جھوم جھوم اٹھے
موج موج لہرائے
ایک دن تھکا ماندہ
جاگ جاگ جاتا ہے
ایک شام بے معنی
حرف حرف سجتی ہے
ایک رات حیراں سی
آنکھ موند لیتی ہے
زہرا نگاہ 
(1116) ووٹ وصول ہوئے
Ek Phul Sa Bachcha In Urdu By Famous Poet Zehra Nigaah. Ek Phul Sa Bachcha is written by Zehra Nigaah. Enjoy reading Ek Phul Sa Bachcha Poem on Inspiration for Students, Youth, Girls and Boys by Zehra Nigaah. Free Dowlonad Ek Phul Sa Bachcha by Zehra Nigaah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends