ڈرو اس وقت سے
ہر طرف دور فراموشی ہے
ذہن سہما ہوا بیٹھا ہے کہیں
اپنے اطراف حفاظت کی طنابیں گاڑے
جب کوئی بات نہیں یاد اس کو
پھر یہ دہشت کا سبب کیا معنی
اور حفاظت کا جنوں کیسا ہے
ڈرو اس وقت سے جب ایسا خوف
جس کے اسباب نہیں ملتے ہیں
زندگانی میں چلا آتا ہے
روح وجدان بھٹک جاتی ہے
طرز افکار بدل جاتی ہے
صحرا آ جاتے ہیں دیواروں میں
آسمانوں کے ورق کھلتے ہیں
جوق در جوق پرے روحوں کے
چلتے پھرتے نظر آ جاتے ہیں
اور زمیں کانچ کے ٹکڑوں کی طرح ٹوٹتی ہے
وہم تصویر میں ڈھل جاتا ہے
کم نگاہی کا تسلط چپ چاپ
دوراندیشی کو کھا جاتا ہے
ڈرو اس وقت سے جب ایسا خوف
زندگانی میں چلا آتا ہے
جس کے اسباب نہیں ملتے ہیں
زہرا نگاہ 
(1404) ووٹ وصول ہوئے
Daro Us Waqt Se In Urdu By Famous Poet Zehra Nigaah. Daro Us Waqt Se is written by Zehra Nigaah. Enjoy reading Daro Us Waqt Se Poem on Inspiration for Students, Youth, Girls and Boys by Zehra Nigaah. Free Dowlonad Daro Us Waqt Se by Zehra Nigaah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends