''الف'' اور ب'' کے نام
جاناں! کیا یہ ہو سکتا ہے
آج کی شام کہیں نہیں جائیں
شور مچانے والے فیتے
آوازوں سے بھرے توے
سب تھوڑی دیر کو چپ ہو جائیں
جاناں! کیا یہ ہو سکتا ہے
اس پیاری مشروب کے پیمانے بھی نہ چھلکیں
جن کے بل بوتے پہ ہماری خوش اخلاقی
عام ہوئی ہے
اور نہ موضوعات کے لاوے منہ سے ابلیں
ایسے لوگ کہ جن کے چہرے بہت بڑے اور دل چھوٹے ہیں
آج ہمیں صورت نہ دکھائیں
تھوڑی دیر کو تنہائی کی ہلکی خنکی بسی رہے
لوگ گھروں میں اور بوتل الماری ہی میں سجی رہے
ہم دونوں اس کمرے میں ہوں
جس کی دیواروں پہ ہمارے سکھ کے بندھن
تصویروں کی شکل میں آویزاں رہتے ہیں
جس میں رکھے کاٹھ کے گھوڑے
کوٹ کے ہاتھی
سب ہم کو تکتے رہتے ہیں
جس میں بیٹھی کانچ کی چڑیاں
ہم کو دیکھ کے ڈر سی گئی ہیں
جس میں رکھی کئی کتابیں
ہم سے روٹھ کے مر سی گئی ہیں
ہم دونوں تنہا ہوں
تھوڑی دیر کو گم سم سے بیٹھیں
پھر رفتہ رفتہ بات چیت کے
چھوٹے چھوٹے پھول کھلیں
قربت کی گرمی سے پشیمانی کے آنسو
دیے کی طرح سے جل اٹھیں
جاناں کیا یہ ہو سکتا ہے
اب بھی میرا دل کہتا ہے
شاید ایسا ہو سکتا ہے
زہرا نگاہ 
(1262) ووٹ وصول ہوئے
Alif Aur Be Ke Nam In Urdu By Famous Poet Zehra Nigaah. Alif Aur Be Ke Nam is written by Zehra Nigaah. Enjoy reading Alif Aur Be Ke Nam Poem on Inspiration for Students, Youth, Girls and Boys by Zehra Nigaah. Free Dowlonad Alif Aur Be Ke Nam by Zehra Nigaah in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends