Ek Sachchi Amman Ki Kahani
mere bachche ye kahte hain
tum aati ho to ghar mein raunaqen KHushbuen aati hain
ye jannat jo mili hai sab unhin qadmon ki barkat hai
hamare waste rakhna tumhaara ek saadat hai
baDi mushkil se main daman chhuDa kar lauT aai hun
wo aansu aur wo ghamgin chehre yaad aate hain
abhi mat jao ruk jao ye jumle satate hain
main ye sari kahani aane walon ko sunati hun
mere lahje se lipTa jhuT sab pahchan jate hain
bahut tahzib wale log hain sab man jate hain
Zehra Nigaah 
(1085) Peoples Rate This