سفید خرگوش کی گیند
سمندر کے کنارے چلتے چلتے
گیند آسمان کی طرف جا پہنچی ہے
بادلوں میں کھو گئی ہے
یا شاید کسی ستارے کے
نا ہموار فرش پر ٹھہر گئی ہے
گیند کے نہ ملنے پر خرگوش کی آنکھیں
سرخ موتیوں کی طرح نہیں چمکتیں
آنسوؤں سے بھری رہتی ہیں
وہ خاموش بیٹھا رہتا ہے
سمندر کے پاس نہیں جاتا
آسمان کو بھی نہیں دیکھتا
جہاں گیند چلی گئی ہے
شاید کبھی اندھیرے میں گیند
واپس آئے تو اس کے دونوں طرف کئی
چمکدار بادل یا بہت سے ستارے بنے ہوں
یا پھر بنا ہوا تیز روشنی کا
ایک جال اور کچھ نظر نہ آ سکے
یا پھیلا ہوا وہ سمندر
جہاں اچھلتے اچھلتے گیند ہمیشہ
خرگوش کو کھود دیتی ہے اور کبھی
ستارہ نہیں بن پاتی
ذیشان ساحل 
(1164) ووٹ وصول ہوئے
Safed KHargosh Ki Gend In Urdu By Famous Poet Zeeshan Sahil. Safed KHargosh Ki Gend is written by Zeeshan Sahil. Enjoy reading Safed KHargosh Ki Gend Poem on Inspiration for Students, Youth, Girls and Boys by Zeeshan Sahil. Free Dowlonad Safed KHargosh Ki Gend by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends