نظم
محبت پیش قدمی کرتی ہے
اور اپنی فوج میں
کسی سپاہی کو بھرتی نہیں کرتی
کسی ٹینک کو اپنے ساتھ نہیں رکھتی
کوئی بکتر بند گاڑی یا توپ خانہ
اپنی حفاظت کے لیے استعمال نہیں کرتی
کسی طیارے سے
میدان جنگ کا جائزہ نہیں لیتی
محبت پیش قدمی کرتی ہے
اور ساری دنیا کے تیر
زہر میں بجھا لیے جاتے ہیں
سارے نیزہ باز
گھات لگا کے بیٹھ جاتے ہیں
ساری تلواریں
نیام سے باہر آ جاتی ہیں
اسے اپنی ٹاپوں تلے روندنے کے لیے
شہ سوار تیار ہو جاتے ہیں
بادشاہوں کا غصہ
کالی آندھی بن کے
اس طرف بڑھنے لگتا ہے
اپنے دل پہ ہاتھ رکھ کے
محبت پیش قدمی کرتی ہے
اور اس کا جہاز
کبھی غرق نہیں ہوتا
اس کا اسلحہ کبھی ختم نہیں ہوتا
محبت کی ہمیشہ جاری رہنے والی
یہ پیش قدمی کوئی روک نہیں پاتا
تھک ہار کے اس کے ساتھ ساتھ چلنے لگتا ہے
ذیشان ساحل 
(754) ووٹ وصول ہوئے
In Urdu By Famous Poet Zeeshan Sahil. is written by Zeeshan Sahil. Enjoy reading Poem on Inspiration for Students, Youth, Girls and Boys by Zeeshan Sahil. Free Dowlonad by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends