نظم
شاعری
ایک معجزہ ہے
جو زخموں کو
پھولوں میں تبدیل کر دیتی ہے
شاید میں نے غلط کہا
کیونکہ یہ پھول
کوئی واضح شکل اختیار نہیں کر پاتے
ان کا کوئی رنگ نہیں ہوتا
ان سے کوئی خوشبو نہیں نکلتی
ان کو نظموں کی کتاب میں نہیں رکھا جا سکتا
محبوبہ کو نہیں دیا جا سکتا
دوستوں کو نہیں بھیجا جا سکتا
ٹاؤن ہال میں ان کی نمائش نہیں کی جا سکتی
کوئی بینک ہر روز
ان کی قیمت خرید یا قیمت فروخت جاری نہیں کرتا
ہر قسم کے جذبے سے عاری یہ پھول
انسانی تاریخ میں کوئی نمایاں مقام
حاصل نہیں کر پائیں گے
کوئی انہیں خوابوں میں نہیں دیکھے گا
یہ کسی سڑک کے کنارے نہیں کھلیں گے
انہیں کوئی کشتی میں بھر کے نہیں لے جائے گا
بغیر کسی موسم کے پھوٹنے والے یہ پھول
شاعری کا معجزہ ہیں
آگ مٹی ہوا اور پانی کی شاید انہیں ضرورت ہی نہیں پڑتی
یہ انسان کی آواز کے ساتھ نشو و نما پاتے ہیں
انسان کی خاموشی میں ہمیشہ زندہ رہتے ہیں
انسانی لمس سے جلا پانے والے یہ شاہکار
انسان کی طرح فنا نہیں کیے جا سکتے
ہتھیاروں کی مدد سے متأثر نہیں کیے جا سکتے
شاعری ایک معجزہ ہے
جو زخموں کو پھولوں میں
یا کسی بھی چیز کو کسی چیز میں بدل سکتا ہے
زندہ رکھ سکتا ہے
ذیشان ساحل 
(1247) ووٹ وصول ہوئے
Nazm In Urdu By Famous Poet Zeeshan Sahil. Nazm is written by Zeeshan Sahil. Enjoy reading Nazm Poem on Inspiration for Students, Youth, Girls and Boys by Zeeshan Sahil. Free Dowlonad Nazm by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends