محبت کے راستے میں
محبت کے راستے میں
ایک سڑک ہے
جو محبت کی طرف نہیں جاتی
اور ایک پل ہے
جو کسی سڑک یا دریا کو
پار کرنے میں استعمال نہیں ہوتا
محبت کے راستے میں
ایک گھر ہے
جس میں محبت
کبھی نہیں رہتی
اور ایک قلعہ
جس میں اندر داخل ہو کے
کوئی باہر نہیں نکل سکتا
محبت کے راستے میں
ایک درخت ہے
ہم جس کے سائے میں
دھوپ سے نہیں بچ سکتے
اور ایک دیوار ہے
جس پر کبھی دھوپ نہیں پڑتی
محبت کے راستے میں
ایک سمندر ہے
جس میں کبھی رات نہیں ہوتی
اور ایک جنگل
جس میں پھیلی ہوئی رات کو
ہم پار نہیں کر سکتے
محبت کے راستے میں
ہوا اور اداسی کے رخ پر
ایک کمرہ ہے
جس میں بیٹھ کے
ہم کسی کو یاد کر سکتے ہیں
اور بھلا سکتے ہیں
ذیشان ساحل 
(1202) ووٹ وصول ہوئے
Mohabbat Ke Raste Mein In Urdu By Famous Poet Zeeshan Sahil. Mohabbat Ke Raste Mein is written by Zeeshan Sahil. Enjoy reading Mohabbat Ke Raste Mein Poem on Inspiration for Students, Youth, Girls and Boys by Zeeshan Sahil. Free Dowlonad Mohabbat Ke Raste Mein by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends