میری چڑیاں ہمیشہ مر جاتی ہیں
خوشی کی حالت میں
یا آنسو بہاتے ہوئے
خاموشی کے ساتھ
میری چڑیاں ہمیشہ مر جاتی ہیں
جب ان سے وعدہ کیا جاتا ہے
کہ انہیں سیر کرانے کے لیے
شہر سے باہر لے جایا جائے گا
رنگ برنگی تتلیوں والے پنجرے میں
ایک ساتھ بیٹھتے ہوئے
میری چڑیاں ہمیشہ مر جاتی ہیں
جب ان سے کہا جاتا ہے
انہیں ایک غیر آباد جزیرے میں لے جا کر
آزاد چھوڑ دیا جائے گا
ریشمی ڈوری سے اپنے پروں کو بندھواتے ہوئے
میری چڑیاں ہمیشہ مر جاتی ہیں
جب انہیں بتایا جاتا ہے
اگر وہ چاہیں تو چاند کو چھو سکتی ہیں
کبھی نہ کبھی
اپنے ٹوٹے ہوئے پروں کے ساتھ
چاند کی طرف جاتے ہوئے
میری چڑیاں ہمیشہ مر جاتی ہیں
ذیشان ساحل 
(1100) ووٹ وصول ہوئے
Meri ChiDiyan Hamesha Mar Jati Hain In Urdu By Famous Poet Zeeshan Sahil. Meri ChiDiyan Hamesha Mar Jati Hain is written by Zeeshan Sahil. Enjoy reading Meri ChiDiyan Hamesha Mar Jati Hain Poem on Inspiration for Students, Youth, Girls and Boys by Zeeshan Sahil. Free Dowlonad Meri ChiDiyan Hamesha Mar Jati Hain by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends