کہانی
میں نے ایک کہانی سوچی ہے
میں اسے کبھی نہیں لکھوں گا
لکھی ہوئی کہانیاں پڑھ کر
لوگ بہت سی باتیں فرض کر لیتے ہیں
اور فرضی کہانیاں لکھنی شروع کر دیتے ہیں
میں نے یہ کہانی اس سے پہلے کسی سے نہیں سنی
کہیں پڑھی نہیں اور فرض بھی نہیں کی
اس کے کردار کہانی شروع ہونے سے پہلے
یا شاید بعد میں مر چکے ہیں
وہ ایک دوسرے سے کبھی نہیں ملے
یا شاید ہمیشہ ساتھ رہے ہیں
میں ان کے بارے میں یقین سے کچھ نہیں کہہ سکتا
غیر فرضی کہانیوں کے بارے میں
کوئی بھی یقین سے کچھ نہیں کہہ سکتا
ان میں سب کچھ خدا کی طرح غیر یقینی
موت کی طرح اچانک
اور کبھی کبھی محبت کی طرح خوبصورت اور غیر متوقع ہوتا ہے
اس کہانی کی کہانی یوں شروع
مگر ایسی کہانیاں کسی کو سنائی نہیں جاتیں
ورنہ لوگ خود کو ان کا کردار سمجھنے لگتے ہیں
یا شاید ایسا ہوتا بھی ہے
یہ کہانی میرے پاس دشمن کی کمزوریوں کے راز
اور تاش کے کھیل میں ترپ کے پتوں کی طرح ہے
میں اسے کبھی نہیں لکھوں گا
اسے کسی کو نہیں سناؤں گا
اس کے کرداروں اور خود کو بھی نہیں
اپنے دوستوں اور اس لڑکی کو بھی نہیں
جس کے لیے میں نے ایک کہانی سوچی ہے
ذیشان ساحل 
(1053) ووٹ وصول ہوئے
Kahani In Urdu By Famous Poet Zeeshan Sahil. Kahani is written by Zeeshan Sahil. Enjoy reading Kahani Poem on Inspiration for Students, Youth, Girls and Boys by Zeeshan Sahil. Free Dowlonad Kahani by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends