ایرینا
زندہ رہنے کے لیے
مجھے جو علاقہ دیا گیا ہے
وہی میرا ایرینا ہے
میں نے اس کے چاروں طرف
خار دار تاروں کی باڑھ لگا رکھی ہے
جن میں ہر وقت
کرنٹ گردش کرتا رہتا ہے
اور میرے کتے
میرے علاوہ کسی کی خوشبو سے مانوس نہیں
میں اس دنیا کے بارے میں
ان سب لوگوں سے
زیادہ جانتا ہوں
جو ہمیشہ سفر کرتے رہتے ہیں
اور کہیں نہیں جاتا
میرے پاس ایک البم ہے
جس میں چند بادلوں کے ٹکڑے
خواب اور لوگوں کے چہرے
محفوظ ہیں
یا ایک مری ہوئی تتلی
جسے میرے کتوں نے
میرے قدموں میں لا کے
ڈال دیا تھا
میرے پاس ایک کشتی ہے
جو پانی کی آواز اور لمس سے اجنبی ہے
اور ایک درخت
جو ہوا اور آگ کے بارے میں کچھ نہیں جانتا
میرے پاس دوستوں کو دینے کے لیے
بہت سے تحفے اور محبت بھرا دل موجود ہے
اور دشمنوں کے لیے ایک تلوار
جس کی پیاس کبھی نہیں بجھتی
ذیشان ساحل 
(1248) ووٹ وصول ہوئے
Irina In Urdu By Famous Poet Zeeshan Sahil. Irina is written by Zeeshan Sahil. Enjoy reading Irina Poem on Inspiration for Students, Youth, Girls and Boys by Zeeshan Sahil. Free Dowlonad Irina by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends