ہنستی ہوئی لڑکی
ہنستی ہوئی لڑکی
ایک آنسو میں رہتی ہے
اس ایک آنسو میں
جب وہ چھپ گئی تھی
تو اسے کسی نے نہیں ڈھونڈا
اور اس ایک آنسو میں
جب وہ گھر گئی تھی
تو کسی کو نہیں مل سکی
اسی آنسو میں سے
ہاتھ بڑھا کے
اس نے پھول توڑے تھے
اور اسی آنسو میں سے اس نے
وہ کتاب پڑھی تھی
جس میں آنسوؤں سے
توڑے ہوئے پھول نہیں رکھے جا سکتے
ہنستی ہوئی لڑکی
بارش میں
اس ایک آنسو سے
باہر نہیں جا سکتی
وہ چلتی ہے
اور ہمیشہ تھک کے بیٹھ جاتی ہے
اپنے کاڑھے ہوئے رومال پر
وہ سنتی ہے اپنی کہی ہوئی کہانی
اور ہر بار رونے لگتی ہے
ہنستی ہوئی لڑکی
اپنی ہتھیلی پہ
آنسوؤں سے
ایک قلعہ بنا لیتی ہے
اور ایک آنسو سے
زیادہ نہیں روتی
ذیشان ساحل 
(1358) ووٹ وصول ہوئے
Hansti Hui LaDki In Urdu By Famous Poet Zeeshan Sahil. Hansti Hui LaDki is written by Zeeshan Sahil. Enjoy reading Hansti Hui LaDki Poem on Inspiration for Students, Youth, Girls and Boys by Zeeshan Sahil. Free Dowlonad Hansti Hui LaDki by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends