چڑیاں
یہ جھوٹ ہے
کہ کراچی میں
بارش کے بعد نکلنے والی
گھاس کی کونپلیں
گہری سبز اور نرم نہیں ہوتیں
یا یہ کہ درخت
بادلوں کی مدد کے بغیر
سایہ فراہم نہیں کرتے
یہ بھی جھوٹ ہے
کہ یہاں خرگوشوں کی آنکھیں
اندھیرے میں نہیں چمکتیں
اور گلہریاں
بادام اور آخروٹ کے چھلکوں سے
نہیں کھلتیں
یا یہ کہ ہتھیلی پر رکھنے سے
بیر بہوٹیاں زرد پڑ جاتی ہیں
سانپ اپنے حصے کا دودھ
کاغذی اژدھوں کے لیے چھوڑ جاتے ہیں
ہمارے علاوہ
کراچی میں چڑیاں بھی رہتی ہیں
جو گولیوں کی آواز اور دھماکوں کے باوجود
درختوں پر سے اڑتی ہیں دیواروں پر بیٹھتی ہیں
کہیں نہ کہیں جمع ہو کر
بلا ناغہ دعائیں مانگتی ہیں
یا ہماری طرف رات بھر
اپنے اپنے ٹھکانے میں چھپی رہتی ہیں
اور صبح ہونے تک
باہر نہیں نکلتیں
ذیشان ساحل 
(966) ووٹ وصول ہوئے
ChiDiyan In Urdu By Famous Poet Zeeshan Sahil. ChiDiyan is written by Zeeshan Sahil. Enjoy reading ChiDiyan Poem on Inspiration for Students, Youth, Girls and Boys by Zeeshan Sahil. Free Dowlonad ChiDiyan by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends