چاقو
ہماری تنہائی سے
ایک لالٹین بنائی جا رہی ہے
جسے طوفانی بارش میں
ہنگامی طور پر استعمال کیا جائے گا
یا سونے کی کان میں کام کرنے والوں کو
مفت فراہم کیا جائے گا
ہماری تنہائی سے
ایک بگھی بنائی جا رہی ہے
جسے تفریحی مقامات پر رکھا جائے گا
یا ایکسپریس ٹرین کے
پٹری سے اتر جانے کے بعد
خراب موسم میں
روانہ کیا جائے گا
ہماری تنہائی سے
ایک پل بنایا جا رہا ہے
جسے جنگ کے دوران یا بعد میں
ٹینکوں کے گزر جانے کے لیے
استعمال کیا جائے گا
یا اچانک
دھماکے سے اڑا دیا جائے گا
ہماری تنہائی سے
ایک چاقو بنایا جا رہا ہے
جسے کاغذ کاٹنے اور سیب تراشنے کے
کام میں لایا جائے گا
اور
زنگ آلود ہونے پر
ہمارے دل میں
اتار دیا جائے گا
ذیشان ساحل 
(1034) ووٹ وصول ہوئے
Chaqu In Urdu By Famous Poet Zeeshan Sahil. Chaqu is written by Zeeshan Sahil. Enjoy reading Chaqu Poem on Inspiration for Students, Youth, Girls and Boys by Zeeshan Sahil. Free Dowlonad Chaqu by Zeeshan Sahil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends