کس شعر میں ثنائے رخ مہ جبیں نہیں
کس شعر میں ثنائے رخ مہ جبیں نہیں
ہے آسمان حسن غزل کی زمیں نہیں
کیوں کر کہوں کہ تم سا کوئی نازنیں نہیں
عاجز کچھ اے حسیں مرا حسن آفریں نہیں
اک اک سخن پہ کرتے ہیں سو سو نہیں نہیں
کیا دوسرا جہان میں تم سا حسیں نہیں
تجھ سا جہاں میں اے یم خوبی حسیں نہیں
ہے موج بحر حسن یہ چین جبیں نہیں
اچھی نہیں ہے روز کی اے نازنیں نہیں
ہاں ہاں پیام وصل پہ کیجئے نہیں نہیں
کعبہ میں بت کدہ میں نہ دل میں نہ عرش پر
اے بت کہاں نہاں ہے کہ ملتا کہیں نہیں
جلوہ ترا کہاں نہیں اے آسمان حسن
جس جا فلک نہ ہو کوئی ایسی زمیں نہیں
تنہائی لحد سے نہ گھبرائیں کس طرح
مونس نہیں شفیق نہیں ہم نشیں نہیں
پیماں شکن جہاں میں نہ ہوگا حضور سا
ایفائے وعدہ تم سے اگر ہو یقیں نہیں
کیا ہم سری کرے گا تری ماہ آسماں
ابرو نہیں تری سی تری سی جبیں نہیں
موجود جسم میں ہے پر آنکھوں سے ہے نہاں
تار نگاہ ہے کمر نازنیں نہیں
رو رو کے حال عشق جو کہتا ہوں ان سے میں
ہنس ہنس کے مجھ سے کہتے ہیں ہم کو یقیں نہیں
کس دن انہوں نے سیدھی طرح ہم سے بات کی
الٹی ہمارے قتل پہ کب آستیں نہیں
وہ دل اداس ہے کہ جو خالی ہے عشق سے
ویراں ہے وہ مکان کہ جس میں مکیں نہیں
بوسہ طلب کیا سر محفل جو یار سے
بولی حیائے روئے نگاریں نہیں نہیں
مایوس وصل سے دل غمگیں ہے کس قدر
ہر چند ہمکنار ہیں وہ پر یقیں نہیں
آنکھوں میں نور دل میں ضیا سینہ میں صفا
جلوہ کہاں کہاں ترا اے نازنیں نہیں
زیبا 
(1579) ووٹ وصول ہوئے
Kis Sher Mein Sana-e-ruKH-e-mah-jabin Nahin In Urdu By Famous Poet Zeba. Kis Sher Mein Sana-e-ruKH-e-mah-jabin Nahin is written by Zeba. Enjoy reading Kis Sher Mein Sana-e-ruKH-e-mah-jabin Nahin Poem on Inspiration for Students, Youth, Girls and Boys by Zeba. Free Dowlonad Kis Sher Mein Sana-e-ruKH-e-mah-jabin Nahin by Zeba in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends