Uske Qurb Ke Sare Hi Aasar Lage
us ke qurb ke sare hi aasar lage
hawa mein lahraate gesu-e-yar lage
dil bhi kya nairang-e-sarab-e-arzu hai
raunaq dekho to koi bazar lage
main ghabra kar tujh ko pukarun to ye falak
aangan bich bahut unchi diwar lage
ek be-mani mahwiyyat si hai shab-o-roz
socho to jo kuchh hai sab bekar lage
meri ana uftadgi mein bhi kya hai 'zeb'
koi hath baDhae to talwar lage
Zeb Ghauri 
(1046) Peoples Rate This