Mere KHurshid O Qamar Aae Nahin
mere KHurshid o qamar aae nahin
zulmaton ke chaara-gar aae nahin
fasl-e-gul ki KHasiyat ko kya hua
shaKH-e-dil par barg-o-bar aae nahin
KHasta-samani hamari dekhne
log aate the magar aae nahin
main faqat baghon ka rakhwala raha
mere hisse mein samar aae nahin
gadle chohaD chithaDon si bastiyan
ahl-e-dil kya is nagar aae nahin
Zameer Azhar 
(825) Peoples Rate This