بے مکاں میرے خواب ہونے لگے
بے مکاں میرے خواب ہونے لگے
رت جگے بھی عذاب ہونے لگے
حسن کی محفلوں کا وزن بڑھا
جب سے ہم باریاب ہونے لگے
ہے عجب لمس ان کے ہاتھوں کا
سنگ ریزے گلاب ہونے لگے
اب پگھلنے لگے ہیں پتھر بھی
رابطے کامیاب ہونے لگے
میرا سچ بولنا قیامت تھا
کیسے کیسے عتاب ہونے لگے
ذکر تھا ان کی بے وفائی کا
آپ کیوں آب آب ہونے لگے
پر سکوں ہجر ساعتیں دیکھوں
وصل لمحے عذاب ہونے لگے
ہم بھی کہنے لگے ہیں رات کو رات
ہم بھی گویا خراب ہونے لگے
کچھ زباں سے نکل گیا تھا یوں ہی
کیوں خفا آں جناب ہونے لگے
اے ذکیؔ مجھ کو مل گئی معراج
میرے شعر انتخاب ہونے لگے
ذکی طارق 
(1089) ووٹ وصول ہوئے
Be-makan Mere KHwab Hone Lage In Urdu By Famous Poet Zaki Tariq. Be-makan Mere KHwab Hone Lage is written by Zaki Tariq. Enjoy reading Be-makan Mere KHwab Hone Lage Poem on Inspiration for Students, Youth, Girls and Boys by Zaki Tariq. Free Dowlonad Be-makan Mere KHwab Hone Lage by Zaki Tariq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends