آپ پر جب سے طبیعت آئی
آپ پر جب سے طبیعت آئی
روز و شب مجھ پہ قیامت آئی
ہائے برباد کیا ہے کیا کیا
راس ہم کو نہ محبت آئی
اے ہوس کار تری نظروں میں
کب بھلا میری حقیقت آئی
زندگی بیت گئی ہے یوں ہی
جب بھی آئی شب فرقت آئی
ظلم گو اس نے بہت بار کئے
لب پہ میرے نہ شکایت آئی
تیری خاطر سے جہاں کو چھوڑا
پھر بھی تجھ کو نہ محبت آئی
دل بیتاب ہے تڑپا کیا کیا
جب کبھی یاد وہ صورت آئی
ان فسانوں میں جہاں کے اکثر
کچھ نظر مجھ کو حقیقت آئی
آپ معصوم بہت تھے پہلے
آپ کو کب سے شرارت آئی
اے ذکیؔ عشق کے ہاتھوں ہم پر
جب بھی آئی تو مصیبت آئی
ذکی کاکوروی 
(1028) ووٹ وصول ہوئے
Aap Par Jab Se Tabiat Aai In Urdu By Famous Poet Zaki Kakorvi. Aap Par Jab Se Tabiat Aai is written by Zaki Kakorvi. Enjoy reading Aap Par Jab Se Tabiat Aai Poem on Inspiration for Students, Youth, Girls and Boys by Zaki Kakorvi. Free Dowlonad Aap Par Jab Se Tabiat Aai by Zaki Kakorvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends