مرے دل کو محبت خوب گرمائے تو اچھا ہو
مرے دل کو محبت خوب گرمائے تو اچھا ہو
خلش بڑھ کر علاج درد بن جائے تو اچھا ہو
مرے اشک محبت سے دلوں کے میل دھل جائیں
مرا غم زندگی کے کام آ جائے تو اچھا ہو
ہر اک مظلوم کو میری حمایت کا سہارا ہو
مرا ذوق عمل اس راہ پر آئے تو اچھا ہو
مرے سوز دروں سے جگمگائے ہستئ عالم
مرا نور بصیرت عام ہو جائے تو اچھا ہو
اندھیری شب ہے شمع دل فروزاں کیجیے یارو
ستاروں کی چمک کچھ اور بڑھ جائے تو اچھا ہو
زباں پر بات بھولے سے نہ آئے شکوۂ دل کی
تغافل پر کبھی ان کے نہ حرف آئے تو اچھا ہو
حقیقت خود کو منوا لے زبان بے زبانی سے
خود ان کا دل نگاہوں سے جو شرمائے تو اچھا ہو
مری بے چینیوں کو چین کچھ تو آ ہی جائے گا
طبیب عشق مجھ کو دیکھنے آئے تو اچھا ہو
انہیں رنگینیوں سے اک شغف اے تاجؔ رہتا ہے
مری بے چینیوں میں رنگ بھر جائے تو اچھا ہو
ظہیر احمد تاج 
(1040) ووٹ وصول ہوئے
Mere Dil Ko Mohabbat KHub Garmae To Achchha Ho In Urdu By Famous Poet Zahiir Ahmad Taaj. Mere Dil Ko Mohabbat KHub Garmae To Achchha Ho is written by Zahiir Ahmad Taaj. Enjoy reading Mere Dil Ko Mohabbat KHub Garmae To Achchha Ho Poem on Inspiration for Students, Youth, Girls and Boys by Zahiir Ahmad Taaj. Free Dowlonad Mere Dil Ko Mohabbat KHub Garmae To Achchha Ho by Zahiir Ahmad Taaj in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends