Humne To Sharafat Mein Har Chiz Ganwa Di Hai
hum ne to sharafat mein har chiz ganwa di hai
duniya ka kabhi gham tha ab maut ki shadi hai
sab zaKHm hue taza yaadon se ulajhte hi
bujhte hue shoalon ko ye kis ne hawa di hai
ek bar kaha hota hum aap hi mar jate
tum ne to hamein saqi nazron se pila di hai
tanhai muqaddar hai mera bhi tumhaara bhi
is daur mein jine ki kya KHub saza di hai
wo lauT ke aaenge is aas mein aankhon ko
dahliz pe rakkha hai aur shama bujha di hai
Zahidul Haque 
(1183) Peoples Rate This