زخمی خوابوں کی تیسری دنیا
صدر مملکت نے
اپنی دولت کو ضرب لگائی
اور پرائے ملک میں ایک قبر کرائے پر لے لی
تاکہ اس کی لاش محفوظ رہے
روشنی نے دنیا کا سفر کیا
مگر کسی عدالت میں انصاف نہ ملا
کہ اندھے ترازو نے تو کبھی آنکھیں ہی نہیں کھولیں
دیواریں تمام رات جاگتی رہیں
سامان پڑا رہا
لیکن گھروں سے لڑکیاں چرا لی گئیں
ایک جسم کو کئی جسموں نے چھوا
تو بچاری روحوں نے اپنے چہروں پر قے کی
لڑکی ماں تو بنی بیاہی نہ گئی
اس نے آنسوؤں سے غسل کیا
مگر پاک نہ ہوئی
ہمیں دنیا میں ہی دوزخ ملی
کیونکہ ہم اس لڑکی کے گھر پیدا ہوئے
جس کا باپ فاقے سے مر گیا
اور ماں بیوہ خوابوں کی گھٹن سے
اس رات چاند کو قتل کر دیا گیا
اور ہم بھائیوں نے
ویران سڑک پر خودکشی کر لی
زاہد امروز 
(1188) ووٹ وصول ہوئے
ZaKHmi KHwabon Ki Tisri Duniya In Urdu By Famous Poet Zahid Imroz. ZaKHmi KHwabon Ki Tisri Duniya is written by Zahid Imroz. Enjoy reading ZaKHmi KHwabon Ki Tisri Duniya Poem on Inspiration for Students, Youth, Girls and Boys by Zahid Imroz. Free Dowlonad ZaKHmi KHwabon Ki Tisri Duniya by Zahid Imroz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends