Main Achchha Fankar Nahin
parinde mujh se dana hain
apni masumiyat zinda rakhne ke liye
hijrat kar jate hain
lomaDiyan apna dushman pahchan leti hain
bheDen apni un se KHwab bunti rahti hain
log apne malikon ki lanat sameT kar bhi
un ke qadam mapte rahte hain
jaise bhi ho
zinda rahna ek fan hai
zindagi ke khel mein ab tak
main izafi kirdar hi raha hun
jise kabhi bhi khel-badar kiya ja sakta hai
Zahid Imroz 
(930) Peoples Rate This