Adhuri Maut Kar Karb
us ne mujh se mohabbat ki
main ne use apna sina chhune ko kaha
us ne mera dil chum kar
mujhe amar kar diya
main ne us se mohabbat ki
us ne mujhe dil chumne ko kaha
main ne us ka sina chhu kar
use hidayat baKHshi
hum donon juda ho gae
judai ne hamare KHwab zahrile kar diye
yak sansi maut ab hamari pahli tarjih hai
tanhai ka sanp hamein raat bhar Dasta rahta hai
aur subh apna zahr chus kar
agli raat Dasne ke liye
zinda chhoD jata hai
Zahid Imroz 
(1091) Peoples Rate This