کچھ یقیں رہنے دیا کچھ واہمہ رہنے دیا
کچھ یقیں رہنے دیا کچھ واہمہ رہنے دیا
سوچ کی دیوار میں اک در کھلا رہنے دیا
کشتیاں ساری جلا ڈالیں انا کی جنگ میں
میں نے بھی کب واپسی کا راستہ رہنے دیا
میں نے ہر الزام اپنے سر لیا اس شہر میں
با وفا لوگوں میں خود کو بے وفا رہنے دیا
ایک نسبت ایک رشتہ ایک ہی گھر کے مکیں
وقت نے دونوں میں لیکن فاصلہ رہنے دیا
جاگتی آنکھوں میں کیسے خواب کی تعبیر تھی
عمر بھر جس نے کسی کو سوچتا رہنے دیا
ایک سائے کا تعاقب کر رہا ہوں آج تک
خود کو کیسی ابتلا میں مبتلا رہنے دیا
وہ مری راہوں میں دیواریں کھڑی کرتا رہا
میں نے ہونٹوں پر فقط حرف دعا رہنے دیا
پیار میں اب نفع و نقصان کا کیا سوچنا
کیا دیا اس کو اور اپنے پاس کیا رہنے دیا
اپنی کچھ باتیں در اظہار تک آنے نہ دیں
بند کمرے ہی میں دل کو چیختا رہنے دیا
پھر نہ دستک دے سکا آفاقؔ کوئی اس کے بعد
نام اس کا دل کی تختی پر لکھا رہنے دیا
زاہد آفاق 
(1228) ووٹ وصول ہوئے
Kuchh Yaqin Rahne Diya Kuchh Wahima Rahne Diya In Urdu By Famous Poet Zahid Afaq. Kuchh Yaqin Rahne Diya Kuchh Wahima Rahne Diya is written by Zahid Afaq. Enjoy reading Kuchh Yaqin Rahne Diya Kuchh Wahima Rahne Diya Poem on Inspiration for Students, Youth, Girls and Boys by Zahid Afaq. Free Dowlonad Kuchh Yaqin Rahne Diya Kuchh Wahima Rahne Diya by Zahid Afaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends