وہ کس پیار سے کوسنے دے رہے ہیں
وہ کس پیار سے کوسنے دے رہے ہیں
بلائیں عداوت کی ہم لے رہے ہیں
پڑے ہیں وہ عشرت کدے آج ویراں
جہاں یار لوگوں کے جلسے رہے ہیں
برے اور اچھوں کے ہیں ذکر باقی
برے ہی رہے ہیں نہ اچھے رہے ہیں
پیامی سے کہتے ہیں کس نے کہا تھا
وہ کیوں رات بھر یوں تڑپتے رہے ہیں
زباں تھک گئی کوسنے دیتے دیتے
بس اب خیر سے چٹکیاں لے رہے ہیں
نئے داغ کھائے ہیں کیا آج دل پر
یہ گل تو ہمیشہ ہی کھلتے رہے ہیں
جہاں مل کے بیٹھے ہیں دو چار ہم سن
ہمارے تمہارے ہی چرچے رہے ہیں
ظہیرؔ آہ دن زندگانی کے اپنے
بہت جا چکے اور تھوڑے رہے ہیں
ظہیرؔ دہلوی 
(1030) ووٹ وصول ہوئے
Wo Kis Pyar Se Kosne De Rahe Hain In Urdu By Famous Poet Zaheer Dehlvi. Wo Kis Pyar Se Kosne De Rahe Hain is written by Zaheer Dehlvi. Enjoy reading Wo Kis Pyar Se Kosne De Rahe Hain Poem on Inspiration for Students, Youth, Girls and Boys by Zaheer Dehlvi. Free Dowlonad Wo Kis Pyar Se Kosne De Rahe Hain by Zaheer Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends