جب ادھورے چاند کی پرچھائیں پانی پر پڑی
جب ادھورے چاند کی پرچھائیں پانی پر پڑی
روشنی اک نامکمل سی کہانی پر پڑی
دھوپ نے کچے پھلوں میں درد کا رس بھر دیا
عشق کی افتاد نا پختہ جوانی پر پڑی
گرد خاموشی کی سب میرے دہن سے دھل گئی
اس قدر بارش سخن کی بے زبانی پر پڑی
اس نے اپنے قصر سے کب جھانک کر دیکھا ہمیں
کب نظر اس کی ہماری بے مکانی پر پڑی
اصل سونے پر تھا جتنا بھی ملمع جل گیا
دھوپ اس شدت کی الفاظ و معانی پر پڑی
ترک کیجے اب دلوں میں نرم گوشوں کی تلاش
بے حسی کی خاک حرف مہربانی پر پڑی
زخم دل اس کی تواضع میں نمک داں بن گیا
یہ مصیبت بھی ہماری میزبانی پر پڑی
اپنے ہاتھوں ٹوٹنے کا تجربہ تو ہو گیا
چوٹ بے شک سخت تھی جو خوش گمانی پر پڑی
ظفر صہبائی 
(1615) ووٹ وصول ہوئے
Jab Adhure Chand Ki Parchhain Pani Par PaDi In Urdu By Famous Poet Zafar Sahbai. Jab Adhure Chand Ki Parchhain Pani Par PaDi is written by Zafar Sahbai. Enjoy reading Jab Adhure Chand Ki Parchhain Pani Par PaDi Poem on Inspiration for Students, Youth, Girls and Boys by Zafar Sahbai. Free Dowlonad Jab Adhure Chand Ki Parchhain Pani Par PaDi by Zafar Sahbai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends