Muzmahil Qadmon Pe Bar
muzmahil qadmon pe bar
gardish-e-lail-o-nahaar
dil hai ku-e-yar mein
sar chala hai su-e-dar
gumbad-e-be-dar ki gunj
band honTon ki pukar
Dhanp lo KHali shikam
ho chuke faqe shumar
kha gai dahqan ko
sabz kheton ki qatar
madfan-e-mehnat-kashan
kar-KHanon ke mazar
manzilen hain be-nishan
raste gard-o-ghubar
tan bahut dhoya 'rabab'
mail man ka bhi utar
Zafar Rabab 
(922) Peoples Rate This