رات بھر سورج کے بن کر ہم سفر واپس ہوئے
رات بھر سورج کے بن کر ہم سفر واپس ہوئے
شام بچھڑے ہم تو ہنگام سحر واپس ہوئے
جلوہ گاہ ذات سے کب خود نگر واپس ہوئے
اور اگر واپس ہوئے تو بے بصر واپس ہوئے
تھی ہمیں ملحوظ خاطر نیک نامی اس قدر
چوم کر نظروں سے ان کے بام و در واپس ہوئے
مژدہ پرواز عدم کا ہے کہ راحت کی نوید
دم لبوں پر ہے تو اپنے بال و پر واپس ہوئے
شوق منزل تھا کہاں مجھ سا کسی کا معتبر
دو قدم بھی چل نہ پائے ہم سفر واپس ہوئے
کارواں سے جو بھی بچھڑا گرد صحرا ہو گیا
ٹوٹ کر پتے کب اپنی شاخ پر واپس ہوئے
صبح دم لے کر چلی گھر سے تلاش روزگار
شام ہم رخ پر لیے گرد سفر واپس ہوئے
زندگی میں آئیں صبحیں اور شامیں بھی بہت
عہد رفتہ کے کہاں شام و سحر واپس ہوئے
آخرش بجھ ہی گیا ہے خوش گمانی کا چراغ
تم بچھڑ کر پھر کہاں امکان بھر واپس ہوئے
خوش گمانی کا بھرم رکھا نئی پہچان نے
پھر مرے نغموں میں ڈھل کر سیم بر واپس ہوئے
ہوش سے عاری رہی دیوانگی اپنی ظفرؔ
با خبر محفل میں رہ کر بے خبر واپس ہوئے
ظفر مرادآبادی 
(1065) ووٹ وصول ہوئے
Raat Bhar Suraj Ke Ban Kar Ham-safar Wapas Hue In Urdu By Famous Poet Zafar Moradabadi. Raat Bhar Suraj Ke Ban Kar Ham-safar Wapas Hue is written by Zafar Moradabadi. Enjoy reading Raat Bhar Suraj Ke Ban Kar Ham-safar Wapas Hue Poem on Inspiration for Students, Youth, Girls and Boys by Zafar Moradabadi. Free Dowlonad Raat Bhar Suraj Ke Ban Kar Ham-safar Wapas Hue by Zafar Moradabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends