کتابیں
سمجھتا ہے اسے سارا زمانہ
کتابیں علم و حکمت کا خزانہ
دلوں کا نور ہیں اچھی کتابیں
چراغ طور ہیں اچھی کتابیں
ہماری مونس و غم خوار ہیں یہ
جہاد علم کی للکار ہیں یہ
کتابیں کیا ہیں روحانی خدا ہیں
سکوں دل کا دواؤں کی دوا ہیں
ہماری کیوں نہ ہو منزل کتابیں
رسولوں پر ہوئیں نازل کتابیں
کتابوں سے ہے جس کی آشنائی
بڑی دولت جہاں میں اس نے پائی
کتابیں کامیابی کا ہیں زینہ
رکھیں آباد یہ دل کا مدینہ
کتابوں کی رفاقت بھی عجب ہے
تعلق توڑنا ان سے غضب ہے
صداقت کا یہی رستہ دکھائیں
بروں کو بھی یہی اچھا بنائیں
سکھاتی ہیں یہ جینے کا طریقہ
بتاتی ہیں ہمیں کیا ہے سلیقہ
کسی نے منہ کتابوں سے جو پھیرا
یقیناً اس کو ذلت نے ہے گھیرا
کتابوں سے اگر خالی مکاں ہے
وہ ہے بھوتوں کا مسکن گھر کہاں ہے
کتابوں سے حلاوت گفتگو میں
شرافت کا اثر باقی لہو میں
کتابوں سے جہاں میں نام زندہ
ہماری صبح زندہ شام زندہ
کتابوں سے سدا رشتہ بڑھاؤ
اسی میں زندگی اپنی لگاؤ
ظفر کمالی 
(1347) ووٹ وصول ہوئے
Kitaben In Urdu By Famous Poet Zafar Kamali. Kitaben is written by Zafar Kamali. Enjoy reading Kitaben Poem on Inspiration for Students, Youth, Girls and Boys by Zafar Kamali. Free Dowlonad Kitaben by Zafar Kamali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends