Na Koi ZaKHm Laga Hai Na Koi Dagh PaDa Hai
na koi zaKHm laga hai na koi dagh paDa hai
ye ghar bahaar ki raaton mein be-charagh paDa hai
ajab nahin yahi kaif-afrin ho sham-e-abad tak
jo taq-e-sina mein ek KHun ka ayagh paDa hai
kabhi rulaegi us yar-e-bewafa ki tamanna
jo zindagi hai to sad lamha-e-faragh paDa hai
ye ek shaKHcha-e-gham se itne phul jhaDe hain
kabhi qarib se guzro to ek bagh paDa hai
Zafar Iqbal 
(1398) Peoples Rate This