ان کی نظروں میں نہ بن جائے تماشہ چہرہ
ان کی نظروں میں نہ بن جائے تماشہ چہرہ
اس لیے ڈرتا ہوں دکھلانے سے اپنا چہرہ
جانے کیا بات ہوئی شہر نگار جاں میں
آج کیوں اجنبی لگتا ہے شناسا چہرہ
بحر غم بھی ہے کبھی عاشق خستہ کے لیے
ہے کبھی ساحل عشرت بھی تمہارا چہرہ
ہم وہاں ہیں جہاں قائم ہے حکومت دل کی
پھر بھی کیوں روز دکھاتا ہے کرشمہ چہرہ
چہرۂ حسن کو اب دیکھ کے یہ سوچتا ہوں
آئنہ ہے کوئی یا آئنہ خانہ چہرہ
کیا رہے دل کی کوئی بات معمہ بن کر
کرتا رہتا ہے یہاں دل کا فسانہ چہرہ
کون ہے جس کے لیے اتنا پریشان ہے دل
ڈھونڈھتا رہتا ہے اب کس کو وہ چہرہ چہرہ
کشتۂ گردش دوراں ہوئے اف ری تقدیر
ورنہ کل چاند سے بہتر تھا ہمارا چہرہ
وہ ترے پھول سے دن مجھ کو بہت یاد آئے
میں نے دیکھا جو ترا دھوپ میں جھلسا چہرہ
چشم مشتاق ز سر تا بہ قدم میں بھی ہوں
بن گیا ہے جو ترا حسن سراپا چہرہ
مہرباں کون مرے دل پہ ہے اتنا اے ظفرؔ
ہر گھڑی رہتا ہے آنکھوں میں یہ کس کا چہرہ
ظفر انصاری ظفر 
(975) ووٹ وصول ہوئے
Inki Nazron Mein Na Ban Jae Tamasha Chehra In Urdu By Famous Poet Zafar Ansari Zafar. Inki Nazron Mein Na Ban Jae Tamasha Chehra is written by Zafar Ansari Zafar. Enjoy reading Inki Nazron Mein Na Ban Jae Tamasha Chehra Poem on Inspiration for Students, Youth, Girls and Boys by Zafar Ansari Zafar. Free Dowlonad Inki Nazron Mein Na Ban Jae Tamasha Chehra by Zafar Ansari Zafar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends