حالت بیمار غم پر جس کو حیرانی نہیں
حالت بیمار غم پر جس کو حیرانی نہیں
اصل میں اس آدمی میں خوئے انسانی نہیں
ایسی بے دردی سے اس کو مت بہاؤ خاک پر
خون انساں خون انساں ہے کوئی پانی نہیں
روح کا رشتہ کبھی کیا توڑ پائی ہے قضا
زندگی فانی ہے لیکن روح تو فانی نہیں
جس کی خوشبو سے معطر رات بھر رہتا تھا میں
میرے گھر کے پاس اب وہ رات کی رانی نہیں
میں تعجب میں ہوں یہ کیسا زمانہ آ گیا
چاند میں ٹھنڈک نہیں سورج میں تابانی نہیں
پھر ترے اوپر نہ ٹوٹے کیوں عذابوں کا پہاڑ
تیرے اندر اک ذرا بھی بوئے ایمانی نہیں
یوں نہ اپنے چاہنے والے کو رسوا کیجئے
یہ تو انداز سلوک دلبر جانی نہیں
کیوں نہیں طوفاں کا منظر تیری چشم شوق میں
کیوں ترے دریائے دل میں اب وہ طغیانی نہیں
مطمئن ہے عشق بھی شام الم کے باوجود
حسن کے چہرے پہ بھی عکس پریشانی نہیں
عشق میں بھی تو نہ پائے گا کہیں میرا جواب
جان من جو حسن میں کوئی ترا ثانی نہیں
اے ظفرؔ پالے ہوئے ہیں وہ بھی دنیا کی ہوس
اب فقیر عشق میں بھی بوئے عرفانی نہیں
ظفر انصاری ظفر 
(1121) ووٹ وصول ہوئے
Haalat-e-bimar-e-gham Par Jis Ko Hairani Nahin In Urdu By Famous Poet Zafar Ansari Zafar. Haalat-e-bimar-e-gham Par Jis Ko Hairani Nahin is written by Zafar Ansari Zafar. Enjoy reading Haalat-e-bimar-e-gham Par Jis Ko Hairani Nahin Poem on Inspiration for Students, Youth, Girls and Boys by Zafar Ansari Zafar. Free Dowlonad Haalat-e-bimar-e-gham Par Jis Ko Hairani Nahin by Zafar Ansari Zafar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends