Badan Se Ruh Talak Hum Lahu Lahu Hue Hain
badan se ruh talak hum lahu lahu hue hain
tumhaare ishq mein ab ja ke surKH-ru hue hain
hawa ke sath uDi hai mohabbaton ki mahak
ye tazkire jo meri jaan ku-ba-ku hue hain
wo shab to kaT gai jo pyas ki thi aaKHiri shab
sharik girya-e-shabnam mein ab sabhu hue hain
tumhaare husn ki tashbib hi kahi hai abhi
charagh jalne lage phul mushk-bu hue hain
ajib lutf hai is TuTne bikharne mein
hum ek musht-e-ghubar ab chahaar-su hue hain
baja hai zindagi se hum bahut rahe naraaz
magar batao KHafa tum se bhi kabhu hue hain
main tar-tar 'zafar' ho gaya hun jis ke sabab
falak ke chaak usi fikr se rafu hue hain
Zafar Ajmi 
(968) Peoples Rate This