سورج کے ساتھ ساتھ ابھارے گئے ہیں ہم
سورج کے ساتھ ساتھ ابھارے گئے ہیں ہم
تاریکیوں میں پھر بھی اتارے گئے ہیں ہم
راس آ سکی نہ ہم کو ہوا تیرے شہر کی
یوں تو قدم قدم پہ سنوارے گئے ہیں ہم
کچھ قہقہوں کے ابر رواں نے دیا نکھار
کچھ غم کی دھوپ سے بھی نکھارے گئے ہیں ہم
ساحل سے رابطہ ہیں نہیں ٹوٹتا کبھی
کیسے سمندروں میں اتارے گئے ہیں ہم
ٹوٹا نہ راہ شوق میں افسون تیرگی
لے کر جلو میں چاند ستارے گئے ہیں ہم
جانا محال تھا تری محفل کو چھوڑ کر
پا کر تری نظر کے اشارے گئے ہیں ہم
اس تیرہ خاکداں میں کوئی پوچھتا نہیں
کہنے کو آسماں سے اتارے گئے ہیں ہم
سو بار بار غم نے پریشاں کیا ہمیں
سو بار مثل زلف سنوارے گئے ہیں ہم
اس سلسلے میں موت تو بدنام ہے یونہی
اس زندگی کے ہاتھوں ہی مارے گئے ہیں ہم
گرداب غم میں ڈوب کے ابھرے ہیں بارہا
کس نے کہا کنارے کنارے گئے ہیں ہم
یزدانؔئ حزیں ہمیں کچھ بھی خبر نہیں
اس آستاں پہ کس کے سہارے گئے ہیں ہم
یزدانی جالندھری 
(1078) ووٹ وصول ہوئے
Suraj Ke Sath Sath Ubhaare Gae Hain Hum In Urdu By Famous Poet Yazdani Jalandhari. Suraj Ke Sath Sath Ubhaare Gae Hain Hum is written by Yazdani Jalandhari. Enjoy reading Suraj Ke Sath Sath Ubhaare Gae Hain Hum Poem on Inspiration for Students, Youth, Girls and Boys by Yazdani Jalandhari. Free Dowlonad Suraj Ke Sath Sath Ubhaare Gae Hain Hum by Yazdani Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends