جہاں کچھ لوگ دیوانے بنے ہیں
جہاں کچھ لوگ دیوانے بنے ہیں
بڑے دلچسپ افسانے بنے ہیں
حقیقت کچھ تو ہوتی ہے یقیناً
کہیں جھوٹے بھی افسانے بنے ہیں
بہت نازاں تھے جو فرزانگی پر
انہیں دیکھا تو دیوانے بنے ہیں
کہ انداز نظر کی آذری سے
دلوں میں کتنے بت خانے بنے ہیں
جو شعلہ شمع کے دل میں ہے روشن
اسی شعلے سے پروانے بنے ہیں
یہ کس ساقی کا فیضان نظر ہے
چمن میں پھول پیمانے بنے ہیں
قیامت تھا مرا محفل سے اٹھنا
نہ جانے کتنے افسانے بنے ہیں
مری دیوانگی پر ہنسنے والے
بزعم خویش فرزانے بنے ہیں
جلی ہیں ذہن میں یادوں کی شمعیں
تصور میں صنم خانے بنے ہیں
بہ نام غم بہ عنوان محبت
جنوں افروز افسانے بنے ہیں
زمانے سے ہو یزدانیؔ گلہ کیا
کہ جو اپنے تھے بیگانے بنے ہیں
یزدانی جالندھری 
(1007) ووٹ وصول ہوئے
Jahan Kuchh Log Diwane Bane Hain In Urdu By Famous Poet Yazdani Jalandhari. Jahan Kuchh Log Diwane Bane Hain is written by Yazdani Jalandhari. Enjoy reading Jahan Kuchh Log Diwane Bane Hain Poem on Inspiration for Students, Youth, Girls and Boys by Yazdani Jalandhari. Free Dowlonad Jahan Kuchh Log Diwane Bane Hain by Yazdani Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends