وقت بس رینگتا ہے عمر کے ساتھ
وقت بس رینگتا ہے عمر کے ساتھ
تارہ تارہ گنا ہے عمر کے ساتھ
کتنا آسان سا تعلق تھا
کتنا مشکل ہوا ہے عمر کے ساتھ
پھر سفر نام ہے اذیت کا
راستہ ہانپتا ہے عمر کے ساتھ
کس کی آنکھوں کو نیند چبھتی ہے
کون جاگا رہا ہے عمر کے ساتھ
جانے آرام آئے گا کب تک
درد بڑھنے لگا ہے عمر کے ساتھ
اک گنہ تھا چھپائے رکھا تھا
سامنے آ گیا ہے عمر کے ساتھ
زندگی زندگی نہیں لگتی
کوئی دھوکا ہوا ہے عمر کے ساتھ
صبح کاذب سے شام صادق تک
ایک محشر بپا ہے عمر کے ساتھ
کیسا چہرہ ہے رات کی تفصیل
کون جل کر بجھا ہے عمر کے ساتھ
گرد ماضی ہے وصل کا حاصل
قافلہ ہجر کا ہے عمر کے ساتھ
یاسمین حبیب 
(1193) ووٹ وصول ہوئے
Waqt Bas Rengta Hai Umr Ke Sath In Urdu By Famous Poet Yasmeen Habeeb. Waqt Bas Rengta Hai Umr Ke Sath is written by Yasmeen Habeeb. Enjoy reading Waqt Bas Rengta Hai Umr Ke Sath Poem on Inspiration for Students, Youth, Girls and Boys by Yasmeen Habeeb. Free Dowlonad Waqt Bas Rengta Hai Umr Ke Sath by Yasmeen Habeeb in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends