Tere Altaf Ka Lutf UThate Rahe
tere altaf ka lutf uThate rahe
nur barsa kiya hum nahate rahe
kaun tha wo KHudaya KHuda ka jamal
man hi man mein paheli bujhate rahe
ye samajh kar faqiri hi mein hai KHuda
gun hamesha faqiron ke gate rahe
raaz haq-ashna ka khula jab kabhi
baadshah tak huzuri mein aate rahe
hum ne sahra mein tanha jalaya diya
phir sada aandhiyon se bachate rahe
sabr ki justuju mein phire dar-ba-dar
'yash' gadagar se ye faiz pate rahe
Yashpal Gupta 
(868) Peoples Rate This