PaDh Chuke Hain Nisab-e-tanhai
paDh chuke hain nisab-e-tanhai
ab likhenge kitab-e-tanhai
wasl ki shab tamam hote hi
aa gaya aaftab-e-tanhai
KHamushi wahshaten udasi hai
khil rahe hain gulab-e-tanhai
us ki yaadon ke ghar mein jate hi
khul gaya hum pe bab-e-tanhai
wasl ki shab tumhaare pahlu mein
le raha hun sawab-e-tanhai
kis ko batlaen kaun samjhega
kaise jhele azab-e-tanhai
doston se gurez karta hun
ho raha hun KHarab-e-tanhai
Yashab Tamanna 
(923) Peoples Rate This