SuKHan Ko Be-hisi Ki Qaid Se Bahar Nikalun
suKHan ko be-hisi ki qaid se bahar nikalun
tumhaari did ka koi naya manzar nikalun
ye be-masraf si shai har gam aaDe aane wali
ana ki kenchuli ko jism se bahar nikalun
tilismi marke kahte hain ab sar ho chuke hain
zara zambil ke kone se main bhi sar nikalun
lahu mahka to sara shahr pagal ho gaya hai
main kis saf se uThun kis ke liye KHanjar nikalun
bas ab to munjamid zehnon ki 'yawar' barf pighle
kahan tak apni istedad ke jauhar nikalun
Yaqoob Yawar 
(854) Peoples Rate This