قبر پر باد فنا آئیے گا
قبر پر باد فنا آئیے گا
بے محل پاؤں نہ پھیلائیے گا
لاکھ ہو وصل کا وعدہ لیکن
وقت پر صاف نکل جائیے گا
جائیں دم بھر کو تو فرماتے ہیں
چھاؤنی تو نہ کہیں چھائیے گا
سر ہوئے اس کے ملمع سے نہ آپ
زلف مشکیں سے خطا پائیے گا
نہ کریں آپ وفا ہم کو کیا
بے وفا آپ ہی کہلائیے گا
اٹھ گیا دل سے دوئی کا پردا
چھپ کے اب آپ کہاں جائیے گا
کہکشاں صاف بنے گا رستہ
آپ توسن کو جو چمکائیے گا
رنگ لائے گی نزاکت بڑھ کر
پھول کے بار سے پتائیے گا
کیا کریں وصف دہن ڈرتے ہیں
منہ میں جو آئے گا فرمائیے گا
زلف کو ہاتھ لگائیں گے جو ہم
بیڑیاں پاؤں میں پہنائیے گا
دیکھیں رغبت سے تو کہتا ہے وہ شوخ
کوئی حلوا ہے کہ کھا جائیے گا
کیا کیا عشق نے کیوں حضرت دل
ہم نہ کہتے تھے کہ پچھتائیے گا
آپ چلتے تو ہیں اٹکھیلیوں سے
کوئی آفت نہ کہیں لائیے گا
اے صباؔ عشق پری رویاں میں
آدمیت سے گزر جائیے گا
وزیر علی صبا لکھنؤی 
(971) ووٹ وصول ہوئے
Qabr Par Baad-e-fana Aaiyega In Urdu By Famous Poet Wazir Ali Saba Lakhnavi. Qabr Par Baad-e-fana Aaiyega is written by Wazir Ali Saba Lakhnavi. Enjoy reading Qabr Par Baad-e-fana Aaiyega Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Qabr Par Baad-e-fana Aaiyega by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends