نفس نمرود ہے کیا ہونا ہے
نفس نمرود ہے کیا ہونا ہے
شرک موجود ہے کیا ہونا ہے
کشف مقصود ہے کیا ہونا ہے
حال مفقود ہے کیا ہونا ہے
سجدے ہوتے ہیں کسے او غافل
کون معبود ہے کیا ہونا ہے
چھوڑ دنیائے دنی کا پیچھا
اس سے کیا سود ہے کیا ہونا ہے
ہست و بود تن خاکی اک دن
نیست نابود ہے کیا ہونا ہے
صاف ہوتا کہ ہو از خود رفتہ
راہ مسدود ہے کیا ہونا ہے
دیکھیے حشر کو کیسے گزرے
روز معہود ہے کیا ہونا ہے
چاہئے مسجد اقصیٰ میں نماز
دیر مسجود ہے کیا ہونا ہے
من و سلوا جسے ہم سمجھے ہیں
زہر آلود ہی کیا ہونا ہے
گرمئ عشق و نہال ہستی
آتش و عود ہے کیا ہونا ہے
جوہر روح تن خاکی میں
کیا گل اندود ہے کیا ہونا ہے
جو کہ منصور کے پیش آیا تھا
وہی موجود ہے کیا ہونا ہے
خود پرستی کی بری ہے صورت
عبد معبود ہے کیا ہونا ہے
اے صباؔ دیکھیے وہ پردہ نشیں
کس سے خوشنود ہے کیا ہونا ہے
وزیر علی صبا لکھنؤی 
(967) ووٹ وصول ہوئے
Nafs Namrud Hai Kya Hona Hai In Urdu By Famous Poet Wazir Ali Saba Lakhnavi. Nafs Namrud Hai Kya Hona Hai is written by Wazir Ali Saba Lakhnavi. Enjoy reading Nafs Namrud Hai Kya Hona Hai Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Nafs Namrud Hai Kya Hona Hai by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends