کس منہ سے کہیں گناہ کیا ہیں
کس منہ سے کہیں گناہ کیا ہیں
توبہ ہے رو سیاہ کیا ہیں
اللہ ہے عفو کرنے والا
میں کیا ہوں مرے گناہ کیا ہیں
اے دوست ترے گدا کے آگے
کچھ بھی نہیں بادشاہ کیا ہیں
تم سا کوئی بد چلن نہ ہوگا
ہے ہے عاشق تباہ کیا ہیں
گوری گوری ہے ان کی صورت
اس پر گیسوئے سیاہ کیا ہیں
چکر میں ہیں شیخ و گبر دونو
اپنے لئے خود تباہ کیا ہیں
دیکھے کوئی حال اہل دنیا
یہ لوگ بھی واہ واہ کیا ہیں
اتریں ان سے مقابلے کو
افلاک پہ مہر و ماہ کیا ہیں
دھومیں تیغ نگاہ کی ہیں
تیور اے کج کلاہ کیا ہیں
شاہد ہیں ترے ستم کے لاکھوں
دو چار اس کے گواہ کیا ہیں
اللہ رے ان بتوں کی آنکھیں
کافر جادو نگاہ کیا ہیں
کٹ جائے گی عمر چند روزہ
فکریں شام و پگاہ کیا ہیں
ان کا تو جواب ہی نہیں ہے
ماشاء اللہ واہ کیا ہیں
اے دل الفت کے محکمے میں
قاضی کیا ہے گواہ کیا ہیں
دل ہے تو زیادہ اس سے ہوں گے
یہ نالہ و اشک و آہ کیا ہیں
پہلو میں نگار ہاتھ میں جام
اس وقت تو بادشاہ کیا ہیں
ان کی آمد جو اے صباؔ ہے
سب مطلب رو بہ راہ کیا ہیں
وزیر علی صبا لکھنؤی 
(1078) ووٹ وصول ہوئے
Kis Munh Se Kahen Gunah Kya Hain In Urdu By Famous Poet Wazir Ali Saba Lakhnavi. Kis Munh Se Kahen Gunah Kya Hain is written by Wazir Ali Saba Lakhnavi. Enjoy reading Kis Munh Se Kahen Gunah Kya Hain Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Kis Munh Se Kahen Gunah Kya Hain by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends